في حدث Unpacked الأخير، سامسونج كشفت رسميًا عن واجهتها الجديدة One UI 8، المبنية على أندرويد 16. التحديث هذا جاء محمّل بتحسينات مهمة وميزات ذكية، وراح يوفّر تجربة أكثر سلاسة على أجهزتها، خصوصًا مع إطلاق الجيل الجديد من هواتفها القابلة للطي Galaxy Z Fold 7 و Z Flip 7.
الغريب والمميز هذه المرة، إن سامسونج طرحت التحديث من اليوم الأول مع الأجهزة الجديدة، مو على مراحل مثل العادة، على أن يصل One UI 8 إلى الأجهزة الموهلة في وقت لاحق "لم تحدده سامسونج". وسبب السرعة؟ تعاونها القوي مع Google، اللي ساعدها تجهز النظام بشكل أسرع من التحديثات السابقة.
أهم مميزات واجهة One UI 8
تجربة استخدام أكثر نعومةأول شيء راح تلاحظه هو انسيابية النظام، من الرسوم المتحركة إلى التنقل بين القوائم. الواجهة صارت أكثر ترتيبًا، وكأنها تفهمك من أول لمسة. والأجهزة القابلة للطي صار لها دعم خاص، بحيث التجربة صارت متكاملة بين الشاشتين الداخلية والخارجية.
الذكاء الاصطناعي حاضر في كل التفاصيل
واحدة من أقوى الإضافات هي الذكاء الاصطناعي اللي اندمج في كل زاوية من الواجهة. فيه مساعد جديد اسمه Gemini Live، يقدر يفهمك ويتفاعل معك لحظيًا، كأنك تتكلم مع شخص فعلي.
ميزة ثانية اسمها AI Result View، تسمح لك تشوف نتائج الذكاء الاصطناعي على شكل نوافذ مقسمة أو عائمة، وتقدر تسحب الصور والنصوص بسهولة من تطبيق إلى آخر. وكالعادة، سامسونج طورت أدوات مثل Drawing Assist وWriting Assist، وقدّمت ميزات زي Now Bar وNow Brief اللي تساعدك توصلك المعلومة بشكل أسرع.
الخصوصية؟ في مستوى جديد
مع واجهة One UI 8، سامسونج ركزت بشكل كبير على الأمان والخصوصية. نظام الحماية Knox حصل على تحسينات، وفيه إعدادات جديدة تعطيك تحكم كامل في بياناتك، من كلمات السر وحتى التطبيقات اللي تقدر تشوفها أو لا.
تحسينات مفيدة وممتعة في نفس الوقت
تعدد المهام صار أذكى
وضع الشاشة المنقسمة تم تطويره، تقدر توسع أي تطبيق ليشغل أغلب الشاشة، أو تتنقل بين التطبيقات بسهولة.
Samsung Dex صار يدعم الشاشات الرأسية، وتقدر تتحكم بدقة العرض حسب الحاجة
تخصيص الواجهة صار أمتع
الخلفيات الديناميكية تتغير حسب الوقت، تعطي إحساس حيوي للجهاز.
روتينات ذكية جديدة، زي تنبيه الطقس البارد أو تذكير بالمظلة، تضيف لمسة مفيدة ليومك.
بطاقة الملف الشخصي تقدر تعدلها وتشوف كيف راح تطلع بالتفصيل قبل ما تحفظ التغيير
التطبيقات صارت أذكى وأجمل
تطبيق المعرض صار يفرز لقطات الشاشة بشكل ذكي حسب النوع (تذاكر سفر، قسائم، خرائط...).
ملفاتي صار يسمح لك تبحث عن الملفات حسب التطبيق اللي نزلتها منه.
الطقس شكله صار أجمل ورسومه أنعم.
التذكيرات والتقويم اندمجوا بطريقة ذكية تسمح لك تسحب المهام وتجدولها على السريع.
ميزة Quick Share صارت بواجهة أوضح وأسهل، وتخليك ترسل أو تستقبل ملفات بسرعة ومن دون أي تطبيق إضافي.
المجلد الآمن يتيح بصمة مخصصة، ويخفي حتى إشعارات التطبيقات اللي بداخله.
تحسينات الوصول تشمل تكبير الشاشة، وتحكم أفضل بالماوس، وسهولة توصيل السماعات.
الكاميرا تقدر تخصص إيماءة السحب لتفتح عناصر التحكم.
Bluetooth صار يدعم توصيل سماعات متعددة بسهولة، حتى ممكن تشارك الصوت مع شخص عن طريق مسح QR.
أداة المنبهات الجديدة تخليك تتحكم بكل التنبيهات من الشاشة الرئيسية.
Samsung Health حصل على تحديث فيه تحديات جديدة مع الأصدقاء وتذكيرات بالحفاظ على التدريب.
متى يصلك التحديث؟
سامسونج بدأت بإرسال One UI 8 مع Galaxy Z Fold 7 و Z Flip 7 مباشرة من وقت الإطلاق. أما باقي الأجهزة، فإلى الآن ما تم الإعلان عن الجدول الرسمي، لكن التسريبات تقول إن العديد من هواتف Galaxy S و Galaxy A راح تحصل على التحديث خلال الأسابيع أو الأشهر القادمة.
واجهة One UI 8 مش مجرد تحديث شكلي، بل تجربة ذكية ومتكاملة. سامسونج رفعت السقف من ناحية التخصيص، الذكاء الاصطناعي، والأمان. إذا كنت من عشاق واجهات سامسونج، التحديث هذا راح يعجبك كثير، ويخلي جهازك أذكى وأسهل في الاستخدام.